بيخود بلوچ
بيخود بلوچ
بيخود بلوچ: نوجوان شاعر، سندس اصل نالو فتح الله جسڪاڻي، هن جو جنم 14 آگسٽ 1971ع تي تعلقي پني عاقل جي ڳوٺ جمعي جسڪاڻيءَ ۾ ٿيو. هُن جو والد مرحوم نصر الله جسڪاڻي هڪ سچو سماجي ڪارڪن هو. 1996ع ۾ شاهه عبداللطيف يونيورسٽيءَ مان ايم. اي سنڌيءَ جي ڊگري ورتائين. سندس پهريون شعر 1988ع ۾ ماهوار ”الصادق“ ۾ ڇپيو ۽ سنڌي ادبي سنگت پنو عاقل سان 1990کان وابسته آهي ۽ شاخ جو 3 دفعا سيڪريٽري پڻ رهيو آهي. ان کان علاوه (05-2004ع) ۾ س. ا. س ضلعي سکر جو رابطا سيڪريٽري به ٿيو. شاهه لطيف فائونڊيشن جو تعلقي صدر ۽ ضلعي پريس سيڪريٽري به آهي. هُو مرحوم اظهر گيلانيءَ جي صحبت ۾ پڻ رهيو. 2007ع ۾ اظهر اڪيڊميءَ سنڌ جو سيڪريٽري پڻ ٿيو. بيخود بلوچ غزل جو سٺو شاعر آهي ۽ شاعريءَ جي ٻين صنفن تي به طبع آزمائي ڪئي اٿس. ڇپيل ڪتابن ۾: 1- درد ۽ امنگ دل ۾ (1995)، 2- ٻوليون لوليون ٻارن جون (1996)، 3- هوا ۾ ٻرياسين (2005) ۽ شامل آهن. جڏهن ته ٻارن لاءِ شاعري جو ڪتاب ”جاڳو ٻارو“ ڇپائي هيٺ اٿس. هن وقت هو ڳوٺ جمعي جسڪاڻيءَ تعلقي پني عاقل ۾ رهائش پذير آهي.
لفظ بيخود بلوچھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1971.08.14 عيسوي
بيخود بلوچ: نوجوان شاعر ، سندس اصل نالو فتح الله جسڪاڻي ، هن جو جنم 14 آگسٽ 1971ع تي تعلقي پني عاقل جي ڳوٺ جمعي جسڪاڻيءَ ۾ ٿيو .
شاعر - ڀاڱي جون ٻِيون داخلائون
اوج علويسڀائي مائي
آسي زميني
اسلم عباسي
ثناءُ الله ثنائي
پارس رياض ملاح
صهبا اختر
اياز گل
صالح فقير گوهري
خانڻ چنجڻي